TO: 我、瓜豪、明明同婷婷生日快樂～～！！

今日係我既二十歲生日，同平日真係冇乜分別。

踏入凌晨12:00a.m.，我班同房冇個同我講生日快樂，好灰！

林建佢話佢記得我地生日，不過佢話送既生日禮物原來係兩粒seed，仲要係佢既野，哎～！！

訓覺，返學同放學，之後去華文搵非洲、阿七、骨羊仲有阿昆去新桃園食飯。

之後返華文踢波，我地唔可以第一時間同非洲佢地一齊踢住，唯有同班曼聯友做隊友踢住波先。

同佢地踢波，我覺得佢地一d都唔勁，同我差唔多水平。佢地叫我踢邊d，但又唔比波我，算點？

對手係一班茅柴，成日踢人，Ricky比人地個茅柴前鋒踩左一腳，我就比人剷到成個人飛起。

我個時左腳控波，但係條友飛剷剷中我右腳，都唔知佢係剷人定剷波既？

踢完波之後同Ricky、林建同瓜豪搭的士返宿舍，之後仲返個涼就返7:00p.m.果堂。

落堂之後同表姐食飯，之後返宿舍睇日劇。到左11:00p.m.，我班同房佢地話叫我地熄燈。

原本我地唔為意，點知佢地突然拎左個蛋糕出黎，果刻我真係好surprise，比佢地呃哂。

原本以為佢地唔搞，點知佢地仲買埋蛋糕添，我真係覺得好感動，真係好開心！

我唔會忘記呢個二十歲生日，因為呢次係我其中一次最開心既生日，真係好多謝你地呀！

不過最可惜就係我最想同我講生日快樂果個人佢冇講，可能佢唔記得呱！

19歲之前既最後一夜，回想起我19歲生日果時，曾經係20歲生日之前訂立既目標

讀到大學同有女朋友，不過好可惜，我完成唔哂我既目標，哎～～

我到20歲都仲要係一支公，唔知我幾時先唔洗一支公呢？

我好想同你分擔同分享你既一切一切。

今日我地外招日文班搞左buffet，原本兩班師生都會出席。

不過我地班既阿sir臨時有事出唔到席，只有Miss有出席，真係美中不足！

我地呢次buffet由6:00p.m.開始，我同瓜豪食左半個鐘左右就停手投降喇！

之後到左7:00p.m.左右，我地開始玩遊戲。其中枚王周偉豪大戰枚「大家姐」玩得最激

大家姐玩牛肉粥唔夠兩招就搞掂左周偉豪，不過周偉豪到玩十五二十就形勢逆轉喇！

周偉豪輕鬆打敗番大家姐。之後我地就影相，我同瓜豪全程做足「佈景板」。

不過因為我同瓜豪係孖仔，所以先會比人搵我地做佈景板呱！

但係如果我同瓜豪唔係孖仔，我諗我地兩個就唔會咁比人搵做佈景板喇！

完左個buffet之後，我地落左機舖，不過我冇打機，之後就返宿舍lu～！！